جیگربوین نرخ دۆلار وەگەرد بەسیان بۆرسەی بەغداد و هەولێر
2023-03-08T13:45:38+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو چوارشەممە، وەگەرد بەسیان بۆرسەی سەرەکی بەغداد پایتەخت، و هەولێر پایتەخت هەرێم کوردستان، جیگر بوی.
پەیامنێر ئاژانس شەفەق نیوز وت: بۆرسەی سەرەکی کیفاح لە بەغداد پایتەخت، ئیوارەی ئمڕوو، لەبان نرخ ١٥٧٧٥٠ دینار عراقی وەرانوەر ١٠٠ دۆلار ئەمریکی دەرەیلیان بەسان.
هەر خود نرخە ک شەوەکی ئمڕوو توومار کریا.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد جیگر بوی، ک نرخ فرووشتن ١٠٠ دۆلار ئەمریکی رەسیە ١٥٨٧٥٠ دینار عراقی، و نرخ سەنینی رەسیە ١٥٦٧٥٠ دینار عراقی.
لە هەولێر پایتەخت هەرێم کوردستان، نرخ دۆلار هەمیش وەگەرد بەسیان بۆرسە جیگر بوی، ک نرخ فرووشتن ١٠٠ دۆلار ئەمریکی رەسیە ١٥٧٩٠٠ دینار عراقی، و نرخ سەنینی رەسیە ١٥٦٩٠٠ دینار عراقی.
