جیگربوین نرخ دۆلار وەگەرد بەسیان بۆرسەی بەغداد و داوەزیانی لە هەولێر
2023-05-30T14:58:44+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو سێشەممە، لە بۆرسەی سەرەکی بەغداد پایتەخت جیگر بوی، و لە هەولێر پایتەخت هەرێم کوردستان داوەزیا.
پەیامنێر ئاژانس شەفەق نیوز وت: بۆرسەی سەرەکی کیفاح لە بەغداد پایتەخت، ئیوارەی ئمڕوو، لەبان نرخ ١٤٦٦٠٠ دینار عراقی وەرانوەر ١٠٠ دۆلار ئەمریکی دەری بەساد، ک هەر خود نرخ شەوەکی ئمڕووە.
پەیامنێر ئاژانسمان وتیش؛ نرخ فرووشتن و سەنین لە دوکانەیل ناوخوەیی بەغداد جیگر بوی، ک نرخ فرووشتن ١٠٠ دۆلار ئەمریکی رەسیە ١٤٧٥٠٠ دینار عراقی، و نرخ سەنینی رەسیە ١٤٥٥٠٠ دینار عراقی.
لە هەولێر پایتەخت هەرێم کوردستان، نرخ دۆلار وەگەرد بەسیان بۆرسەی داوەزین توومار کرد، ک نرخ فرووشتن ١٠٠ دۆلار ئەمریکی رەسیە ١٤٦٧٥٠ دینار عراقی، و نرخ سەنینی رەسیە ١٤٦٧٠٠ دینار عراقی.
