جیگیربوین نرخ دۆلار لە بەغداد
2022-10-01T07:57:01+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە، لە بۆرسەی سەرەکی بەغداد پایتەخت جیگیر بوی.
پەیامنێر ئاژانس شەفەق نيوز وت: نرخ دۆلار ئەمریکی وەرانوەر دینار عراقی لە بۆرسەی کیفاح و حارسیە لە بەغداد پایتەخت شەوەکی ئمڕوو، رەسیە ١٤٧٥٠٠ دینار عراقی وەرانوەر ١٠٠ دۆلار ئەمریکی، ک هەر خود نرخ رووژ پەنجشەممەی گوزەشتەس.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد جیگیرە، ک نرخ فرووشتن رەسیە ١٤٨٠٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٠٠٠ دینار عراقی.
لە هەولێر پایتەخت هەرێم، بۆرسە لە رووژەیل پشوو فەرمی کار نیەکەێد، باوجی دوکانەیل ئاڵشتکردن دراو لە بازاڕەیل نرخ ١٠٠ دۆلار ئەمریکی وە ١٤٧٦٠٠ دینار عراقی فرووشتن، و نرخ سەنینی رەسیە ١٤٧٥٠٠ دینار عراقی.
