جيگیربوین نرخ تەڵا لە بازاڕەیل بەغداد و هەولێر
پەیامنێر ئاژانس شەفەق نیوز وت؛ نرخ فرووشتن یەک مسقاڵ عەیار ٢١ تەڵای خەلیجی و تورکی و ئەوڕوپی لە بازاڕەیل بڕ فرووشتن لە جادەی نەهر ناوڕاس بەغداد پایتەخت رەسیە ٤١٠ هەزار دینار.
پەیامنێر ئاژانسمان وتیش؛ نرخ فرووشتن یەک مسقاڵ عەیار ٢١ تەڵای عراقی هەمیش جیگربوین توومار کرد لەپای ٣٨٠ هەزار دینار، و نرخ سەنینی رەسیە ٣٧٦ هەزار دینار.
لەباوەت نرخ تەڵا لە دوکانەیل زەڕنگەری، نرخ فرووشتن یەک مسقاڵ تەڵای خەلیجی عەیار ٢١ ها ناوەین ٤٢٠ هەزار دینار و ٤٣٠ هەزار دینار، و نرخ فرووشتن یەک مسقاڵ تەڵای عراقی ها ناوەین ٣٩٠ هەزار دینار و ٤٠٠ هەزار دینار.
نرخ تەڵا لە هەولێر پایتەخت هەرێم کوردستان هەمیش جیگیر بوی، ک نرخ فرووشتن یەک مسقاڵ تەڵای عەیار ٢٤ رەسیە ٤٨٠ هەزار دینار، و نرخ فرووشتن یەک مسقاڵ تەڵای عەیار ٢١ رەسیە ٤٢٠ هەزار دینار، و نرخ فرووشتن یەک مسقاڵ تەڵای عەیار ١٨ رەسیە ٣٦٠ هەزار دینار.
