جاف وته‌ى په‌رله‌مان عراقى له كۆنگره‌ى باشوور ئه‌فريقيا خوه‌نيه‌و
جاف له وته‌گه‌ى ك روينويسيگى ره‌سيه(شه‌فه‌ق نيوز)وت: مه‌سه‌له‌ى ده‌سخستن ده‌سميه‌ت ياسايى بى وه‌رانوه‌ر مافيگ دگان وه‌پى نرياگه له‌گشت ريككفه‌تنه‌يل ماف ئاده‌ميزاد و له‌وانه‌يش ئعلان جه‌هانى ئه‌را مافه‌يل ئاده‌ميزاد و ريككه‌فتن ناوده‌وڵه‌تى ئه‌را مافه‌يل مه‌ده‌نى و سياسى و ريككه‌فتن ناوده‌وڵه‌تى ئه‌را مافه‌يل ئابوورى و كومه‌ڵايه‌تى و رووشنهويرى و ريككه‌فتن زاڵبوين له‌بان شيوازه‌يل مامڵه دژ ئافره‌ت و ريككه‌فتن عه‌ره‌بى ئه‌را مافه‌يل ئاده‌ميزاد.
جاف هه‌ميش وت: له ئه‌وله‌ويات كار ئه‌نجومه‌ن نوێنه‌ره‌يل داناين دو ياساى په‌يوه‌سه وه مافه‌يل و ئازاديه‌يل ك له‌ده‌ستوور ئاماژه وه‌پيان كرياگه‌و ئه‌نجومه‌نيش تويه‌نست بڕيگ ياسا وه‌گووره‌يان دابنه‌ێد و له‌وانه‌يش ياساى چه‌وديرى خاوه‌ت هه‌وه‌جه‌يل تايبه‌ت شماره 38 ساڵ 3013 و ياساى مقه‌يه‌تيكردن كومه‌ڵايه‌تى شماره 11ى ساڵ 2014.
