تەندروسی کوردستان دڵنیای هاوڵاتیەیل لە تەو خوینوەربوین کەێد
شەفەق نيوز/ سەرکار سۆرچی قسەکەر وەزارەت تەندروسی لە هەرێم کوردستان، ئمڕوو دووشەممە، دڵنیای هاوڵتیەیل لە رەوش تەندروسی لەباوەت بیماری تەو خوینوەربوین کرد، کە دووپات کرد رەوشەگە لەی ساڵە خاسە و هاژیر کۆنتڕۆڵ.
سورچی ئەرا ئاژانس شەفەق نیوز وت: لە سەرەتای ئمساڵەو تەنیا دوو بیمار توومار کریاس، یەکیگیان رەسیە مردن، و ئەوەکە هاژیر چارەسەری لە شار کۆیە، وتیش: تەندروسیی جیگیرە و لە خەسەخانە چارەسەری وەرگرێد.
وتیش« وەزارەت تەندروسی وەردەوامە لە جیوەجیکردن ریکارەیل مقیەتبوین ئەرا سنووردارکردن بڵاوبوین بیماریەگە، وە هەماهەنگی وەرد وەزارەت ناوخۆ و کشتوکاڵ، و باس خەسەوکردن تەقەلایل چلدیلێیک و دەرمان رشانن لەی ماوەی گوزەشتە.
سورچی دووپاتیش کرد کە حکومەت هەرێم کوردستان وەشیوەی هویردیگ نووڕێدە رەنش ئەو ئاژەڵەیلە کە تیەنە ناو هەرێم، کە تا ماوەی کەرەنتین تەندروسی کریەن، و وەشکین و تاقیکردن و وەکارهاوردن دەرمان جیوەجی کەن.
قسەکەر وەزارەت تەندروسی داوا لە هاوڵاتیەیل کرد ئاژەڵ لە شوینەیل بیمووڵەت نەوڕن
محتملة".لەوەر ئەو رخداری تەندروسیە.
لە کۆتایی مانگ گوزەشتە، وەزارەت تەندروسی لە هەرێم کوردستان جیوەجیکردن ریکارەیل مقیەتبوین بەرزیگ راگەیان ئەرا نواگیریکردن رخداری تەو و، ئەوەیش دویای توومارکردن تویشهاتنەیل وە بیماریەگە لە عراق.
