تەندروسی هەرێم کوردستان ئامار نوویگ لە کۆڕۆنا و واکسین بڵاو کەێد
شەفەق نیوز/ دکتۆر سامان بەرزنجی وەزیر تەندروسی هەرێم کوردستان، ئمڕوو سێشەممە، راگەیان شەش مەلیۆن و ١٧١ هەزار و ٨٣ کەس هانە هەرێم کوردستان، و لەی ئامارە دوو مەلیۆن و ٤٩ هەزار و ٥٦٥ کەس واکسین دژوە ڤایرۆس کۆرۆنا وەرگردنە.
بەرزنجی لە بەیاننامەیگ ئمڕوو وت: لە وەخت بڵاوبۊین ڤایرۆس کۆڕۆنا تا ئیسە سێ مەلیۆن و ٧٤٣ هەزار و ٧٢٢ وەشکین PCR ئەرا هاوولاَتییەیل لە هەرێم کوردستان ئەنجام دریاگە، لەناویان تۊشهاتن ٣٨٩ هەزار و ٩٠١ کەس وە پەتاگە ئاشکرا بۊیە، لەناویان ٤٦ هەزار و ٨٧٨ بیمار کەفتنە وەر چارەسەری لە خەسەخانەیل، و ئیسە ٨ هەزار و ٧٧٦ بیمار هانە خەسەخانە، و وتیش؛ ٧ هەزار و ١٦٦ بیمار لەوەر پەتاگە مردنە.
هەمیش باس لەوە کرد ک سێیەم چین لە واکسین دژوە ڤایرۆس کۆرۆنا هەس و ری وەپیان دریاگە، و دیاری کرد ک سێیەم تاقەبەشەگە وەگورەی رینمایل تایبەت دریەێد.
