تەندروسی نەینەوا تۊشبۊنیگ دووپاتکریاگ وە تاەو خۊنوەربۊن ئەرا هاووڵاتییگ سی ساڵە لە مووسڵ توومار کەێد
شەفەق نیوز - نەینەوا
سەرچەوەیگ پزیشکی لە فەرمانگەی تەندروسی نەینەوا، ئمڕوو یەکشەممە، خەوەردا لە توومارکردن تۊشبۊنیگ دووپاتکریاگ وە بیماری تەو خۊنوەربۊن ئەرا هاووڵاتییگ سی ساڵە لە شار مووسڵ، دۊای رەسین دەرەنجامەیل وەشکینە تاقیگەییە فەرمییەیل لە بەغدای پایتەختەو.
سەرچەوەگە ئەرا ئاژانس شەفەق نیوز دیاری کرد، کە بیمارەگە، کە تەمەنی سی ساڵە و لە دانیشتگەیل گەڕەک زەهراس لە لای چەپ شارەگە، خریاسە ناو خەسەخانەی سەلام فێرکاری جۊر رەوشیگ گومانلیکریاگ وە بیماریەگە لە رێکەفت 26 مانگ تشرین یەکەم گوزەشتە، کە نموونەیگ خۊن لەلی کیشیاس و زویوەزوی کل کریاس ئەرا تاقیگەی تەندروسی گشتی ناوەندی لە بەغداد ئەرا وەدۊاچگن پەتایی.
سەرچەوەگە ئاشکرا کرد کە دەرەنجامەیل وەشکینەگە کە لە تاقیگەی تەندروسی گشتی لە بەغدادەو رەسیە، ئەرێنیبۊن رەوشەگە و تۊشبۊنی وە بیماریەگە وە شیوەیگ بڕیاردریاگ دووپات کردگە، وە دەسنشانکردن ئەرا ئەوە کە تۊشبویەگە کل کریاس ئەرا خەسەخانەی شیفا ئەرا وەرگردن چەودیاری پزیشکی و پرۆتۆکۆڵ چارەسەری پەسەنکریاگ لە ژیر کەرەنتینەی تەندروسی، وەرد وەردەوامبۊن ریکارەیل خوەیپارێزی و وەدۊاچگن رەوش تەندروسیی وە نزیکەو.
