تەندروسی ئەنبار زەنگ مەترسی لەوەر کۆڕۆنا کوتێد
شەفەق نیوز/ فەرمانگەی تەندروسی ئەنبار، ئمڕوو شەممە، راگەیان خەسەخانەیل کەرەنتین تووشهاتگەیل کۆڕۆنا لە بیماریە سەختیەیلە ک چەودیری وورد خوازن پڕەو بوین، وتیش؛ ئەوە لەوەر پابەند نەوین وە ریکارە مقەیەتیەکان بویە.
فەرمانگەگە لە بەیاننامەیگ رەسیە ئاژانس شەفەق نیوز وت: هەڵوێست پەتاگە لە پارێزگاگە زیاتر رخبەرەو بویە، وەتایبەت وەرد زیایبوین شمارەی تووشهاتنەیل و خەفتگەیل خەسەخانەیلە، ک تا ئیسە وەیجوورە نەویە، بیجگە پڕەوبوین فرەی هۆڵەیل کەرەنتین لە دامەزراوەیل تەندروسی تایبەت وە بیماری کۆڕۆنا.
فەرمانگەی تەندروسی ئەنبار لە بەیاننامەگەی داوا لە گشت هاووڵاتییەلە کرد پابەند وە رینمایل فەرمانگەی تەندروسی ئەنبار یوون، و دویر لە گردەوبویەیل بوون و مکیس و میوانی نەکەن، و واز لە سەردان خیزانەیل و دەس سەنین و باوەشگردن بارن، و دەمامەک وەکار بارن و سەردان بنکەیل واکسین بکەن.
