تەندروسی عراق ها وەگەرد سێیەم تاقەبەش ڤاکسین کۆرۆنا
شەفەق نیوز/ وەرپرسیگ تەندروسیی عراق وەگەرد وەکارهاوردن سێیەم تاقەبەش ڤاكسینی دژ وە كۆرۆناس، ئۊشێد، كاریگەرییەیل ئۆمیكرۆن لەبان تۊیشبۊیەیل کەم کەێد.
هەیسەم ئەلعوبەیدی، وەڕێوەبەر لە وەزارەتی تەندروسیی عراق قسە ئەرا رووژنامەیل کردیە و راگەیانیە، تاقە بەش زیادەیل ڤاكسین (تاقەبەش سێیەم) دەسمیەتی وەهێزتركردن وەرگری دژ وە ئاڵشتبۊی ئۆمیكرۆن و مەترسییەیلی کەم کەێد.
رینمایی دا تاقەبەش سێیەم دۊیای شەش مانگ لە تاقەبەش دۊیەم وەربگریەێد، زیاتریش تایبەتە وە ئەو تۊژەیلە مەترسیی فرەتریگ هابانیان، لە نموونەی كەسەیل وەتەمەن و بیمارەیەیل درۊیژماوە و ئەو كەسەیلە ئاست وەرگریی لەشیان نزمە.
وەرپرسە تەندروستییەگەی عراق دوارە زۊیکردن بڵاوبۊین ئاڵشتبۊی ئۆمیكرۆن دووپاتکرد، لەوەر ئەوە بایەد هوشداری زیاتر مەردم ئەرا مقیەتبۊین لە ئاڵشتبۊیەگە دووپاتكرد، وەتایبەت لەڕی وەرگردن ڤاکسین و رینمایریل تەندروستی.
