تەندروسی عراق بڵاوبوین ئاڵشتبویە نووەگەی کۆرۆنا رەدکەێد
2023-08-18T14:00:17+00:00
شەفەق نیوز/ وەزارەت تەندروسی عراق، راگەیان تا ئیسە هویچ تویشهاتنیگ وە ئاڵشتبوی نوو کۆرۆنا ناسریاگ وە "ئەیریس" توومارنەکریاگە.
د.سەیف بەدر، قسەکەر وەزارەت تەندروسی عراق راگەیان، وە هەماهەنگی وەگەرد رێکخریاگ ناودەوڵەتی، كار لەبان تواناگان دەسنیشانکردن و چارەسەركردن ئاڵشتبوی نوو كۆرۆنا كەن، كە لە فرەیگ لە وڵاتەیل جەهان سەرهەڵداگە.
ئاشکەرایکرد، خوەشبەختانە تا ئیسە هویچ تویشهاتنیگ وە ئەو ئاڵشتبووی نوویە لە عراق توومارنەکریاگە.
دیاریکرد، ئاڵشتبوی بۆماوەیی لە تویشهاتن وە ڤایرۆس کۆرۆنا ئاساییە، وە پای ئەوەگ ئاڵشتبوین بۆماوەیی روی دەێد و وە جویریگ دەرکەفێد بڕیگ لە تایبەتمەنیەیلی جیاوازن و هاتێ کەمتر مەترسیداربوون لە ڤایرۆسەیلتر باوجی هەمان نیشانەیل كۆڤید 19 دیرێد.
