تەندروسی زیقار زەنگ مەترسی کوتێد: ئامادە بوون ئەرا تەو خوەینوەربوین
2023-04-04T11:03:39+00:00
شەفەق نیوز/ بەش تەندروسی گشتی لە پارێزگای زیقار، ئمڕوو سێشەممە، توومارکردن تویشهاتنەیل نوویگ وە بیماری تەو خوەینوەربوین لە پارێزگاگە راگەیان.
حسێن ریاز وەڕیەوبەر بەش تەندروسی گشتی لە پارێزگای زیقار ئەرا ئاژانس شەفەق نیوز وت: تاقیکردنەوەیل پزشکی تویشهاتن دوو کەس وە بیماری تەو خوەینوەربوین لە پارێزگاگە چەسپانن، و چەوەڕی رەسین ئەنجام تاقیکردن لە بەغداد پایتەخت ئەرا کەسەیلیگ کەیمن گومان لە تویشهاتنیان هەس.
دیاری کرد ک هیمان وەرز تاوسان نەهاتیە و ئی تویشهاتنەیلە توومار کریا، ک یە خەیدەمانە نوای تاوسانیگ پڕە لەی بیماریە، ک هاتێ مردن فرەیگ لەلی بوودەو.
ریاز وتیش: بەش تەندروسی وەرپرسایەتی لە هەر بڵاوبوبنیگ لەی بیماریە خەێدە گەردن لایەن و فەرمانگەیل پەیوەندیدار، چوینکە هویچ پابەندییگ وە خاڵەیل لەناوبردن ئی پەتای مەرگبارە لەماوەی گوزەشتە لەلیان دیار نەویە.
