تەمەنی ١٣٠ ساڵە.. سەعدیەی دیالە داوای خاسەوکردن مزگەفتیگ کوردی کەێد داعش کاولی کردیە
2023-07-24T14:30:36+00:00
شەفەق نیوز/ وەڕیەوبەرایەتی ناحیەی سەعدیە، باشوور خانەقین، داوا لە پارێزگای دیالە، وەڕیەوبەرایەتی ئاسەواری پارێزگاگە کرد، کوینترین مزگەفت لە ناحیەگە خاسەو بکەێد، ک وەدەس ریخریاگ داعش کەفتە وەر ویرانکردن، و وە قەوارەیگ ئاسەواری گرنگیگ ناوی هاورد.
ئەحمەد سامر زەڕگووش لە قسەیلی ئەرا ئاژانس شەفەق نیوز وت: مزگەفت مەحمود پاشای جاف لە ناحیەی سەعدیە لە ساڵ ١٨٩٣ لە سەردەم دەوڵەت عوسمانی بینا کریایە، و لە خەرج مەحمود پاشا بوی، کە یەکیگ بویە لە دەوڵەمەن و دەمچەرمگەیل ناوچەگە.
زەڕگووش وتیش؛ رووبەر مزگەفتەگە نزیکەی ٢٠٠ مەتر چوارسویکەس، و زیاتر لە ٥٠٠ نمازکەر گرێد، و قەواسەگەی وە دیزاین گومەزیەیل ئیسلامی کوینە بینا کریایە، و دە گومەزی هاناوی.
وتیش؛ مزگەفتەگە وەلایەن ئەندامەیل داعش کەفتە وەر ویرانکردن و هیمان پیشگووس خریایە وەبی لاکردنیگ یا خاسەوکردنیگ لە لایەنە پەیوەندیدارەیل، دووپات کرد ک داوا لە حکومەت ناوخوەیی لە دەسەی گشتی ئاسەواری و کەلەپوور کردیە تا مزگەفتەگە خاسەو بکەن، وەخاتر ئەو میراتی ئاینی و ئاسەواریە ک لەلای خەڵک ناحیەگە دیرێدەی.
