تەم جویلەی کاروانەیل ئاسمانی لە فڕۆکەخانەی بەغداد وسنێد
2023-01-07T07:17:44+00:00
شەفەق نیوز/ جویلەی کاروانەیل ئاسمانی لە فڕۆکەخانەی ناودەوڵەتی بەغداد، شەوەکی ئمڕوو شەممە، لەوەر کەشوهەوا و تەم، وە شیوەیگ وەختانە وسیا.
راگەیانن فڕۆکەخانەی ناودەوڵەتی بەغداد، لە بەیاننامەیگ رەسیە ئاژانس شەفەق نیوز وت: ئیدارەی فڕۆکەخانەگە ئەرا گشت گەشتیارەیل و کۆمپانیایل فڕۆکەوانی لەناو فڕۆکەخانەگە ئاشکرای وسیان جویلەی کاروانەیل ئاسمانی لەوەر رەوشەیل کەشوهەوا کرد و رەسین ئاست نووڕین ئەرا کەمتر لە ٢٠٠ مەتر، و دووپات کرد ک ئەوەسا وە سرووشت هەر کار نوویگ لە جویلەی کاروانەیل ئاسمانی ئاگاداردان کەیمن.
بەغداد و ناوچەیلیگ لە باشوور عراق، لە شەفەق ئمڕوو شەممە، تەم خەسیگ وەخوەیان دوینن، ک ئاست نووڕستنن فرە کەمەو کردیە.
