تەقینەوەیگ لەبان بارەگای فەسیلیگ چەکدار لە ناسریە
![تەقینەوەیگ لەبان بارەگای فەسیلیگ چەکدار لە ناسریە](https://media.shafaq.com/media/arcella/1659186069943.jpeg)
2022-07-30T13:02:51+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو شەممە، خەوەردا لە ئامانجکردن بارەگای بزووتنەوەی "سەید شوهەدا" یەکیگ لە فەسیلەیل حەشد شەعبی لەناوڕاس پارێزگاگە.
سەرچەوەگە ئەرا ئاژانس شەفەق نیوز وت: بومبیگ دانریاگ، نیمەڕو ئمڕوو، تەقیە بان بارەگای بزووتنەوەی سەید شوهەدا لە ناوچەی مونتەزە ناوڕاس شار ناسریە، وتیش: بارگاگە شوینگە ک لەلایەن ئاسایشی قایم کریاگە، چوینکە ماڵ فەرماندەی پۆلیس پارێزگاگە لەشانی هەس.
سەرچەوەگە دیاری کرد ک زەرەدەیل تەنیا دارایی بوین.