تەقەی خوەشی سویریگ کەێدە ماتەم

شەفەق نیوز/ سەرچەوەیگ ئەمنی لە نەینەوا، ئمڕوو پەنجشەممە، خەوەردا لە کوشیان کەسیگ وە تەقەی خوەشی لە سویریگ لەشار موسڵ ناوەن پارێزگاگە.

 سەرچەوەگە وە ئاژانس شەفەق نیوز وت، گەنجیگ سی ساڵان وە ناو (داود جوحێشی) وە گولەی ویڵ گیانی لە دەسدایە، وتیش سویرەگە لە لای راس موسڵ بویە و بویەسە ماتەم و پرسە لەدویای ئەوەگ یەکیگ لە بەشداربویەیل سویرەگە تەقە کەێد و گولەگەی بوودە هووکار زەخمداری سەختیگ یەکیگ لە بەشداربویەیل و دەسوەجی گیان لە دەسدایە.

وتیش، دەزگایەیل ئەمنی لێکۆڵینەوە لە رویداوەگە وازکردنە، تەرمەگەیش ئەرا پزیشک دادوەری کلکریایە.