تیرۆریستەیل 50 وڵات بان سنوور... عراق هوشداری دەێد لە رخداری خیزانەیل داعش
شەفەق نیوز/ قسەکەر فەرماندەی گشتی هیزە چەکدارەیل عراق، سەباح ئەلنومان، ئمڕوو چوارشەممە، داوا لەو وڵاتەیلە کرد کە خیزان وەرد ئەندامەیل داعش دیرن لە کەمپ هۆل لە سوریا بکیشنەیانەو و ئەرا وڵاتیان گلیانەو بیەن، هەکاتی ئەوەگ عراق کەێد.
ئەلنومان ئورا ئاژانس شەفەق نیوز وت: “ وەدویاچگن لە لایەنە تایبەتمەنەیل لەبان باوەت کەمپ هۆل هەس کە خیزان و تیرۆریستەیل عراقی هاناوی، بیجگە لە ڕەگەزنامەیل ترەک لە 50 وڵاتەو، ئەراوە ئی پرسە وەرپرسیارییگ ناودەوڵەتییە نەک تەنیا عراقی”.
وتیش: “عراق لەوەر نزیکیی لە سنوور، لەی پرس ناودەوڵەتیە نیگەرانە، ئەراوە نەتەوە یەکگرتگەیل و لایەنەیل پەیوەندیدار کە تیرۆریست یا خیزان نەتەوەیی دیرن، هەمیشە باگواز لەلییان کەن بەشداری خوەیان بکەن و ئەو خیزانەیلە بکیشنەو، هەکاتی ئەوەگ عراق کەێد”، وتیش “عراق ری دویرودرویژیگ لەی بابەتە بڕیە”.
ئەلنومان داوا وڵاتەیل کرد "گامیگ هاوشیوە بنەن ئەرا کیشانەوەی هاووڵاتییەگانیان لە کەمپەگە"، وتیش؛ "حکومەت عراق پلان و بەرنامە ئەرا گلەوخواردن خیزانە عراقییەیل و دایین تیرۆریستەیل وەدەس دەسەڵات دادوەری عراق ئامادەکردگە".
قسەکەر فەرماندەی گشتی ئاشکرایش کرد کە “پرۆگرام پەروەردەیی و رینمایی و بەرنامەی ترەک ئەرا ئاوێتەکردن ئەو خیزانەیلە لە لایەن وەزارەت کووچ و ئاوارەیی و سڵاکاری ئاسایش نیشتمانی و لایەنە پەیوەندیدارەیل ئامادە کریانە”.
لەباوەت رەوش ئەمنی سنوور عراق و سوریا، ئەلنومان لە قسەیلی وتیش: “هێزە عراقییەیل ری دویریگ بڕینە لە پاراستن سنوور عراق لە هەڕەشەی باندە تیرۆریستییەیل، و هویچ رخیگ لە کاریگەرییان نییە”، وتیش: “ئۆپەراسیۆن وەرجەوەختە هەس ئەرا وەدویاچگن لە جیماگەی ئەو ریخریاگە، و بەشیگ فرە لە سەرکردەیلیان لە چەن رووژ گوزەشتە کوشیان”.
لە کۆتایی قسەیلی وتیش: "رەوش ئەمنی دڵنیاکەرە و باندە تیرۆریستییەیل دویای لەدەسدان سەرکردایەتی و پشتیوانی لۆجستی و پشتیوانی جەماوەری خوەیان رخیان چوود".
