تەڵا رەسێدە ئاستیگ پەیمانەیی لە عراق وەگەرد بەرزەوبوینیگ جەهانی مێژوویی
شەفەق نیوز/ نرخ تەڵای بیگانە و عراقی، ئمڕوو سێشەممە، (١١ فبرایەر ٢٠٢٥) لە بازاڕەیل بەغداد پایتەخت و هەولێر ئاستیگ پەیمانەیی توومارکرد وە بەرزەوبوینە مێژوویەگەی وە مدوو ئەو بەرزەوبوین گەپ جەهانیە تەڵا وەخوەی دیە.
پەیامنێر ئاژانس شەفەق نیوز وت: نرخ فرووشتن یەک مسقاڵ عەیار ٢١ تەڵای خەلیجی و تورکی و ئەوڕوپی لە بازاڕەیل بڕ فرووشتن لە جادەی نەهر بەغداد پایتەخت رەسیە ٦١٨ هەزار دینار، و نرخ سەنینی رەسیە ٦١٤ هەزار دینار.
پەیامنێر ئاژانسمان وتیش: نرخ فرووشتن یەک مسقاڵ عەیار ٢١ تەڵای عراقی هەمیش بەرزەوبوی توومار کرد لەپای ٥٨٨ هەزار دینار، و نرخ سەنینی رەسیە ٥٨٤ هەزار دینار.
لەباوەت نرخ تەڵا لە دوکانەیل زەڕنگەری، نرخ فرووشتن یەک مسقاڵ تەڵای خەلیجی عەیار ٢١ ها ناوەین ٧٠٥ ـ ٦٤٧ هەزار دینار، و نرخ فرووشتن یەک مسقاڵ تەڵای عراقی ها ناونی ٥٩٠ - ٥٨٠ هەزار دینار.
لە هەولێر پایتەخت هەرێم کوردستان نرخ فرووشتن یەک مسقاڵ تەڵای عەیار ٢٤ رەسیە ٧٠٥ هەزار دینار، و نرخ فرووشتن یەک مسقاڵ تەڵای عەیار ٢١ رەسیە ٦٤٧ هەزار دینار، و نرخ فرووشتن یەک مسقاڵ تەڵای عەیار ١٨ رەسیە ٥٣٩ هەزار دینار.
