تەندروسی جهانی داواێگ لە عراق کرد

شەفەق نیوز/ رێکخراو تەندروسی جهانی لە عراق، ئمڕوو دووشەممە، دویای بەرزەوبوین رێژەی تویشهاتنەگان ، هان گشت عراقیەگان دا ئەرا پابەندبوین وە رێوشوێن مقیەتیەگان ک لە دەسڵاتە تەندروسیەگان دەرچوود، ئەرا نواگردن ڤاێڕۆس کۆڕۆنا . دووپاتیش کرد ک دووارە وەجیهاوردن قه‌یەغەی هاتوچگن گشتگیر ئەرا هەفتەیگ، دویاترین رێوشوێن گرنگ بوی دژوە پەتاگە.
ئەدهەم ئیسماعیل نوینەر رێکخراوەگە لە عراق لەبەیاننامەیگ وت؛ رێکخراوەگە دووپات وەردەوامی پشتگیری وهاوکاری خوەی کەێد وەل دەسڵاتە تەندروسیەگان بەغداد وهەرێم کوردستان، ئەرا مسۆگەرکردن سەرکەفتن لە کارەیل دژ وە کۆڕۆنا.
ئیسماعیل داوا لە گشت عراقیەگان کرد، ک پابەندبوون وبەرزترین ئاست رێوشوێنە مقەیەتیەگان، و وەقەیەغەی هاتوچگن گشتگیر، ئەرا هاوکاری دەسڵاتە تەندروسیەگان لەنواگردن پەتاگە.
وداوا لە لایەنە پەیوەندیدارەیل کرد ک وه‌ قورسی جیوەجی رێوشوێن قەیەغەگە بکەن، وەگەرد زیاد كردن وشکنین مەیدانی، ئەرا کەسەیل گومان کریاگ، لە وەشوین کەفتن وەقیەو دریاگەیل. وتیش، تەنیا وەهاوکاری گشتی، ئی رێوشوێنەیلە رەسنە ئامانج.
تا ئیوارەی روژ یەکشەممە، عراق٦ هەزار و ٤٣٩ تویشهاتگ وە ڤایڕۆس کۆڕۆنا تۆمار کردگە، ٢٠٥ لەناویان مردنە، و ٣ هەزار و ١٥٦ کەس خاسەوبویە، وهیمان ٣ هەزارو ٧٨ بیمار هانە ژیر چارەسەری.