توومارکردن یەکەم بیمار وە تەو خۊنوەربۊن لە پارێزگایگ عراقی
![توومارکردن یەکەم بیمار وە تەو خۊنوەربۊن لە پارێزگایگ عراقی](https://media.shafaq.com/media/arcella/1652010073670.jpg)
شەفەق نیوز/ دکتۆر عەلی مەحمود عەلاق وەڕەوبەر گشتی فەرمانگەی تەندروسی ميسان، ئمڕوو یەکشەممە، یەکەم تویشهاتن وە بیماری تەو خۊنوەربۊن لە پارێزگاگە راگەیان.
دکتۆر عەلاق لە بەیاننامیگ رەسیە ئاژانس شەفەق نیوز وت: دویای جیوەجیکردن وەشکین لە تاقیگەیل وەزارەت تەندروسی، دووپات لە تویشهاتنەگە کریا، و ئیرنگە بیمارەگە ها کەرەنتین تایبەت وە تەو خۊنوەربۊن لە خەسەخانەی شەهید سەدر ئەرا وەرگردن چارەسەری، لە ژیر چەو کادریگ پزشکی و تەندروسی پسپۆڕ.
فەرمانگەی تەندروسی میسان داوای مقەیەتیکردن و هوشیاری و جیوەجیکردن ریکارەیل تەندروسی کرد لە رەفتاکردن وەگەرد ئەو تویشهاتنەیلە گومان لەلیان هەس، و سەردان نزیکترین دامەزراو تەندروسی بکەن ئەگەر نشانەیل بیماریەگە دیار بوی.