تومارکردن تۊشهان نوویگ وە تەو خۊنوەربۊن لە باشوور موسڵ
شەفەق نیوز- موسڵ
سەرچەوەیگ پزیشکی لە فەرمانگەی تەندروسی نەینەوا، ئمڕوو دووشەممە، خەوەردا لە تومارکردن تۊشهاتنیگ نوو چەسپیاگ وە بیماری تەو خۊنوەربۊن ئەرا گەنجیگ کە تەمەنی رەسێدە 19 ساڵ لە خەڵک ناحیەی قەیارە لە باشوور شار موسڵ.
سەرچەوەگە ئەرا ئاژانس شەفەق نیوز وت، کە بیمارەگە لە سەرەتا چۊ بیماریگ گومانلیکریاگ خریاسە ناو خەسەخانەی قەیارەی گشتی لە نۆی ئەیلول/ سێپتەمبەر ئیسە، دۊای دەرکەفتن نیشانەیل بیمارییەگە لەلیەو، کە نموونەیل خۊن لەلی گیریا و لە رووژ دۊاتر کل کریا ئەرا تاقیگەی تەندروسی گشتی ناوەندی لە بەغداد ئەرا چەسپانن دەسنیشانکردنەگە.
سەرچەوەگە دیاری کرد کە ئەنجامەیل وەشکین تاقیگەیی نیشان دان کە ئەنجامەگە "پۆزەتیڤە" و دووپات تۊشهاتنی وە تەو خۊنوەربۊن کەێد، وەگەرد رەوانەکردن بیمارەگە وە پەلە ئەرا خەسەخانەی شیفا ئەرا بیمارییەیل پەتایی لە موسڵ ئەرا خستنی وە ژیر چەودیاری پزیشکی و پرۆتۆکۆڵ چارەسەری لە ژیر چەودیاری تەندروستی هۊرد.
