تورکیا: عراق لە بازاڕە هاوردەکەرەیل نخوتە لەناو گرفتەیل دابینکردن

شەفەق نیوز- ئەنقەرە

عراق وە یەکیگ لە بازاڕە هاوردەکەرەیل نخوت تورکی هەژمار کریەێد، وەرد ئوردن و سووریا و پاکستان، لە وەختیگ کە بازرگانی نخوت جەهانی تويش گرفتەیل بەسیاگ وە رێڕەوەیل دابینکردن و ئاڵشتکارییەیل بازاڕەیل بوودەو.

وەپەی راپۆرتیگ لەباوەت بازاڕ نخوت تورکی، زیایەی بەرهەمهاوردن گونجیاگ ئەرا هەناردەکردن لە تورکیا رەسێدە نزیکەی 180 هەزار تەن، لەناو مەزەنەیل وە زیایبۊن داواکاری لە ماوەی مانگەیل ئایندە وەرد نزیکەوبۊن مانگ رەمەزان.

یوسف مەمیش، نوێنەر کومپانیای "باشان ئەگرو" وت، کە بەرهەمهاوردن تورکیا لە نخوت لە ماوەی ساڵ 2026 وە ئاستەیل مامناوەندی هاتیە، لە وەختیگ کوالیتی بەرهەمەگە وە فرە خاس وەسف کریا.

راپۆرتەگە دیاری کرد کە چین وە بازاڕ سەرەکی ئەرا هەناردەیل نخوت تورکی هەژمار کریەێد، وەرد عراق و شمارەیگ لە دەوڵەتەیل ترەک، لە وەختیگ کۆتوبەندەیل هەناردەکردن بڕە وەردەسەیل ئەرا هەر کومپانیایگ دیاری کەن وە پشتبەسین وە ناوەند هەناردەیلی لە ماوەی پەنج ساڵ گوزەشتە.

نرخەیل نخوت تورکی ها لە ناوەین 600 و 900 دۆلار ئەرا هەر تەنیگ، وەپەی قەوارەی دەنکەیل و کوالیتییان، لەناو گرفتەیل لە دابینکردن و رکابەری لە بازاڕە جەهانییەیل.

پیشهاتەیل بازاڕ تورکی رەنگ دەنەو لەبان وژاردەیل هاوردەکردن نخوت ئەرا عراق، لە وەختیگ نرخە ناوخۆییەیل پشت وە خەرجەیل هاوردەکردن و کلکردن و بڕ داواکاری بەسن.