تورکیا ئووشێد هاووڵاتیه مه‌ده‌نیه‌گان بیوه‌ین له ئۆپراسێۆنە سەربازیه‌گه‌ی
شەفەق نیوز/ وەزارەت وەرگری تورکی، ئمڕوو جومعە، وت: ک ئۆپراسیۆن چنگیر پەڵنگ ، ک لە ناوچەی حەفتانین لە هەرێم کوردستان دەسکردەپی، زیان وەمەدەنی نەیاگە و نێدەێد.
وەزارەتەگە باسکرد ک سوپای تورکی مەدەنیەگان و زەوی وبونیاده مێژوویەگان و ئاسەوارە رووشنهویریەگان لە عراق وە چشتەیلیگ دانەێد ک نەبایەس دەسکاری بکریەێد، وەگورەی ئاژانس ئەنادۆڵ.
لە ١٧ حوزەیران تا ئیسە، تورکیا دەسکردیه‌سە ئۆپراسیۆن چنگیر پەڵنگ، دژوە پەکەکە لە هەرێم کوردستان. دویەکە سەرچەوەیگ خۆجێی خەوەردا لە کوشتن و زەخمداربووین ٧ کەس له‌وەر گورز ئاسمانی نەناسریاگیگ ك ماشینیگ کردە ئامانج یەکیگ لە ئەندامەیل پەکەکە لەناوی بوی.
ئاژانس ئەنادۆڵ وت؛ پەکەکە کویەیل کوردستان کردیەسە شووینیگ ئەرا خوەی، و لە فرە شار و شاروچگە چالاکی دیرید، و ژمارەیگ لە ئاوایەیل ناوچەگە داگیر کردگە، و پەلامارەیلیگ لە ناو تورکیا ئەنجام دەێد.
