توركيا و چين پشتگيرى له حكومه‌ت كازمى ئه‌كه‌ن
شه‌فه‌ق نيوز/ هه‌ر يه‌ك له توركيا و چين ئاشكراى ئه‌وه كرد وڵاته‌يليان پشتگيرى له حكومه‌ت تازه‌ى عراق ئه‌كه‌ن وه سه‌رۆكايه‌تى مسته‌فا كازمى.
له‌ى باوه‌ته‌و، ره‌جه‌ب ته‌يب ئه‌ردۆغان سه‌رۆك كۆمار توركيا، ئاشكراى ئه‌وه كرد وڵاته‌گه‌ى پيشتگيرى له حكومه‌ت تازه‌ى عراق ئه‌كا وه سه‌رۆكايه‌تى مسته‌فا كازمى.
حكومه‌ت عراقى له به‌ياننامه‌يگ ك شه‌فه‌ق نيوز ئاگادارى بوێ وت: ئه‌ردۆغان له په‌ياميگ ئه‌را كازمى پيرووزبايى له‌لى كردگه له‌وه‌ر وه‌ده‌سهاوردن متمانه‌ى ئه‌نجومه‌ن نوێنه‌ره‌يل له دوياى هه‌وڵ وه‌رده‌وام ئه‌را دامه‌زرانن حكومه‌ت ك وه‌قسه‌ى ئه‌ردۆغان ئه‌دێده خێر ئه‌را ملله‌ت عراق و ناوچه‌گه.
وه‌گووره‌ى به‌ياننامه‌گه، ئه‌ردۆغان گوزارش له متمانه‌ى ته‌واويگ وه سه‌ركه‌فتن حكومه‌ت تازه‌ى عراق كردگه له ئه‌ركه‌يلى له‌ى قۆناغه‌يل سه‌خته ك جه‌هان وه‌گشتى و عراق وه تايبه‌ت وه‌پيه‌و گوزه‌ر ئه‌كاو باس له‌وه‌يش كردگه ك توركيا وه‌ل عراق ئه‌دێ له‌وه‌ر خاتر يه‌كێتى و پيشكه‌فتنى و پته‌وكردن په‌يوه‌نديه‌يل له‌ناونى هه‌ردوگ وڵات
حكومه‌ت عراقى له به‌ياننامه‌گيش باس له‌وه كرد كازمى په‌يوه‌ندييگ ته‌له‌فۆنى له لى كتشيانغ سه‌رۆك چين مللى وه‌پى ره‌سيه له‌تى پيروزبايى دامه‌زرانن حكومه‌ت تازه له‌لى كرياگه‌و له‌تى جه‌خت له‌وه كرياگه وڵات چين پشتگيرى له حكومه‌ت تازه‌ى عراق ئه‌كا.
