ته‌ندروستى عراق پيشبينى ئه‌كا قه‌يه‌غه‌ى هاتوچوو گشتيگير تا ته‌ممووز ئاينده بمينێد
شه‌فه‌ق نيوز/ وه‌زاره‌ت ته‌ندروستى و ژينگه‌ى عراق، پيشبينى كرد قه‌يه‌غه‌ى هاتوچوو گشتگير له سه‌رجه‌م وڵاته‌گه تا ته‌ممووز ئاينده بمينێد له حاڵه‌تيگ ئه‌گه‌ر به‌رزبوينه‌وه‌ى شماره‌ى تويشبوين وه ڤايرۆس كۆرۆنا وه‌رده‌وام بدێ، باس له‌وه‌يش كرد له سووه‌و قه‌يه‌غه‌ى نيمچه‌يى ده‌س وه‌پى ئه‌كا.
له‌ى باوه‌ته‌و، دكتۆر رياز حلفى وه‌ڕيه‌وبه‌ر گشتى ته‌ندروستى له وه‌زاره‌ته‌گه له لێدوانيگ ئه‌را هووكاره‌يل ره‌سانن حكومى ك ئاژانس شه‌فه‌ق نيوز ئاگادارى بوێ، وت: زيايبوين شماره‌ى تويشبوين وه ڤايرۆس كۆرۆنا هيليده‌مان ئاشكراى بڕيار قه‌يه‌غه‌ى گشتگير بكه‌يم له وڵاته‌گه.
حلفى هه‌ميش وت: پشتبه‌سانن وه بڕيار قه‌يه‌غه‌ى نيمچه‌يى له سوو يه‌كشه‌ممه‌وه ده‌س وه‌پى ئه‌كا وه‌گووره‌ى بڕيار ليژنه‌ى باڵاى ته‌ندروستى و سه‌لامه‌تى نيشتمانى ئه‌را روێ وه‌ڕوێ بوينه‌وه‌ى په‌تاگه له‌وه‌ر وه‌پيداين ده‌رفه‌ت ئه‌را ئاسانه‌وكردن جموجويل هاووڵاتيه‌يل و كاسبكاره‌يل وه رووژانه.
