تا یەکشەممەی ئایندە وەردەوامە.. عراق کەفێدە وەر کاریگەری کەشیگ واراناوی لە خوەرەئاوا وەرەو باکوور و ناوڕاس درویژەوبوود

شەفەق نیوز ـ بەغدا

بەش مەزەنەیل کەشناسی لە دەسەی گشتی کەشناسی و زەویلەرزەناسی مەزەنەکرد ناوچە وشارەیل وڵاتەگە لە ئیوارەی ئمڕوو سێشەممە، کەفنە وەر حالەت واران وارین رفتیگ کە تا سەرەتای هەفتەی ئایندەوەردەوام بوود وەگەرد هووشداریدان لە لافاو و وا.

بەش راپۆرت کەشناسی راگەیان، نمونەیل کەشاسی دیاریکەن، وڵاتەگە کەفێدە وەر حالەتیگ ناجیگیری کە لە ئیوارەی ئمڕوو سێشەممە، دەسوەپی کەێد ئەوریگ واراناوی لە خوەرئاوای وڵاتەو تێد، لە ناوچەی ەنبار، وەرەو ناوچەیل ناوڕاس جویلیەێد، دەرفەت واران وارین دەێد وە شارەیل ترەک وڵاتەگە، وەپای جویلەی سیستەم کەشناسی ماوەی کاریگەریەگە تا  ئیوارەی رووژ یەکشەممە 8 تەشرین یەکەم وەردەاوم بوود.

وەپای راپۆرتەگە، دەرفەتەیل واران و بڕەیل وارین لە شوینیگ ئەرا شوینگ ترەک جیاوازە،  شارەیل باکوور وڵاتەگە بەرزترین ئاستەیل وەخوەیان دوینن، لەدویای ئەوان بەشەیل خوەرهەڵات، دیاریکرد  وارانەگە وە شێوەی شەپۆل پچڕپچڕ وە تونی جیاجیا بوود، کە  سووک و ناوڕاسە، وەرد ماوەیلیگ رفتەوبوود لە بەشیگ لە ناوچەیل، وەگەرد بەڵاچە  ئەگەری دروسبوین گومە ئاوەیل لەوەر  وارین واران رفتیگ کە وە تونی ئەرا ماوەیگ و دەرفەت  ئەرا وارین تەر لە ناوچەیل جیاجیا هەس.

راپۆرتەرە وەردەوامی دا لە مەزەنەیلی و دیاریکرد ئەرا گورجەوبوین واییگ  بەسیاگ وە ئەورەیل بەڵاچەیی هەس لە شوێنەیل دیاریکریاگ، کە بوودە مدوو  شەپوولیگ  لە تەپوتوز لە ناوچەیل کاریگەربوی، کە ئاست نوڕین ئەرا ماوەیگ وەختانە کەمەوکەێد.