تاوانیگ نادیار لە بەسماییە و گومان لە "ژنەگە" کرێد
شەفەق نیوز/ سەرچەوەیگ ئەمنی، ئمڕوو دووشەممە، خەوەردا دەسلاتدارەیل دەسکردنە وە وازکردن لێکۆڵینەوە لە رویداویگ کوشتن نادیاریگ پیایگ لەناو شوقەگەی لەناو یەکیگ لە باڵاخانەیل کۆمەڵەی نیشتەجیبوین بەسمایە لە بەغدای پایتەخت.
سەرچەوەگە وە ئاژانس شەفەق نیوز خەوەردا، رویداوەگە شەفەق ئمڕوو رویدایە، و پسپۆر بەڵگە تاوانەیل داوای دەسگیرکردن کەسوکاری کردیە لەناویانیش ژنەگەی، لەدویای ئەوەگ وتنەس رویداوەگە "خوەیکوشی"بویە، و پیاگە تەقە لە خوەیکردیە لەناو گومانەیل لە رویداوەگە.
دیاریکرد، تەرمەگە لەژیر سەرپەرشتی دەوریەیل پۆلیس ئەرا پزیشک دادوەری کلکریاس.
لە رویداویگ ئەمنی ترەک، دەریەیل فریاکەفتن رەسافە توەنستن وە هەماهەنگی راستەوخوەی وەرد کۆنترۆل و جواوداین (911)، تەقەلایگ خوەیکوشتن لەبان پێیەڵ جمهوری ناوڕاس بەغداد پویچەوبکەن.
سەرچەوەگە ئاشکرایکرد، لەری کامیرەیلچەودێری دەرچگە کەسگ تەقەلای وەخوارخستن خوەی دەێد لەبان بەرزایی پێەیلیگ، دەسوەجی دەرویەیل فریاکەفتن دەسکردنە جویلە و توەنستن زوی بڕەسن و قورتاریبکەن و نەیلێد خوەیبکوشێد، دیاریکرد، رێکاری یاسایی گونجیاگ گیریاسە وەر.
