تاوان دڵتەزنیگ لە نەینەوا.. پیاویگ وە دەسی ژنەگەی دڵدار خوەی کوشێد
شەفەق نیوز/ پیاویگ خەڵک تەلکێف لە باکوور شار مووسڵ، دۊیەتیگ دڵدار خوەی کوشێد، دۊیای ئەوە ک کەین و بەین کەن تا لە ماڵ باوانی بواێد، و وەڕەزامەنی ژن یەکەمی شۊی وەپی بکەێد.
ئەفسەریگ لە پۆلیس پارێزگای نەینەوا باس ئەرا ئاژانس شەفەق نیوز کەێد؛ ک وەرجە نزیکەی ٣٠ رووژ، دۊیای ئەوە ک وەگەرد دۊیەتە دڵدارەگەی ڕێک کەفێد، تا وەبی ئاگای باوانی لەماڵ بواێد، گوایە تا بخوازێدەی، دۊیەتەگە ئەو کارە جیوەجی کرد، و لەماڵ پیاوەگە وە رەزامەنی ژنە یەکەمەگەی مەن.
ئەفسەرەگە وتیش؛ مرافەیگ کەفتە ناوبەین پیاوەگە و ژنە دۊیەمەگەی ک دڵداریە، و دەس لەلی وەشان و وەچەقو کوشتەی، و وە دەسمیەتی ژنە یەکەمەگەی لە باخچەی ماڵەگەی نادەی خاک.
دۊیای ٢٥ رووژخ بوون تەرمەگە دەرچگ، و رەسیە ناوچەگە، تا خوەی و ژنەگەی ناچار بۊین دووارە تەرمەگە لەناو باخچەگە درارن، و بوەنەی تا لە بان ریەگەی دەورگرد تەلکێف فڕەی بیەن.
دۊیای ئەوە ک پۆلیس پەیای تەرمەگە کرد، دوو وەڕێوەرایەتی پۆلیس کەفتنە لێکۆڵینەوە تا چگنە بندروس کارەگە، هەر لە رووژ واین دۊیەتەگە و چۊین لەماڵ باوانەگەی دەرچگ.
ئەفسەرەگە باس ئەوەیش کرد ک پۆلیس رەسیە ئەو گەڕەکە ک دۊیەتەگە ئەرای وایە، و دەسکردنە گردەوکردن زانیاری تا رەسینە ئەو ماڵە ک دۊیەتەگە چگەسە ناوی، و دۊیای لێکۆڵینەوە وەرد خاوەن مەڵەگە خ پیاوەگە ئاشکرای تاوان خوەی و ژنەگەی کرد.
