تاوانکارەیل وتنە گوایە خوەی کوشتیە.. ئاشکراکردن تاوان کوشتن ژنیگ لە نەجەف

شەفەق نیوز/ دەزگای ئاسایش نیشتمانی عراقی، ئمڕوو شێشەممە، ئاشکرای تاوان کوشتن ژنیگ لەناو تەمەن بیس ساڵان کرد، و دیاری کرد کە تاوانکارەیل هاتنە وە رویداو خوەیکوشتن نشانی بیەن، ئەوەیش لە ناحیەی قادسیە لە قەزای مشخاب پارێزگای نەجەف.

 دەزگاگە لە بەیاننامەیگ رەسیە ئاژانس شەفەق نیوز وت: زانیاری رەسیە دەزگایەیل ئەمنی لە خوەیکوشتن ژنیگ لە تەمەن (21) ساڵان، و هەناێ مەفرەزەیل ئەمنی رەسینە شوین رویداوەگە، کەسەیل ناو ماڵەگە وتن؛ دویەتەگە وە نوێ کارەبا خوەی داگەسە سێدارە لە قەی پانکەی قەواسەی ماڵەگە.

بەیاننامەگە وتیش: دویای کلکردن پرسەگە ئەرا وەڕیەوبەرایەتی ئاسایش نەجەف ئەرا لێکۆڵینەوە، لە پزشک دادوەری ئاشکرا کریا کە قوربانیەگە وەبان سەری دریاس، کە گومان لە رویداوەگە دروس بوی.

دیاری کرد کە دویای لێکۆڵینەوە، شویبرای قوربانیەگە دەسگیر کریا، و لەناو لێکۆلینەوە چگە ژیر تاوانەگەی، کە وە دۆلکەی شویشە داسە بان سەری، و لە هووش چگە، و وە دەسمیەتی داڵگی شیوەی خوەیکوشتن ئەرای هەڵوەسینە.

  دەزگای ئاسایش نیشتمانی لە کۆتایی وت: قسەیل توومەتبارەیل توومار کریا، و ئاشکرای ئەو بەڵگەیلە کردن کە وەگورەی تاوانەکە هاتنە.