بەغدداد.. دەسگیرکردن خێزانیگ خەڵک کەربەلا مناڵە شیرەخوەرەگەیان وەبڕیگ پویل کەم فروشتنە
2024-07-21T14:12:33+00:00
شەفەق نیوز/ سەرچەوەیگ ئەمنی لە بەغداد، ئمڕوو یەکشەممە، خەوەردا لە دەسگیکردن خێزانیگ کە وەرد کەسەیلتر رێککەفتبوین لەبان فروشتن مناڵیگ شیرەخوەرەیان وە بڕە پویل کەمیگ و کارەیل فروشتەگە تەواوببوی لە نوڕاس بەغدای پایتەخت.
سەرچەوەگە وە ئاژانس شەفەق نیوز وت، "خێزانەگە لە کویگەی عامل لە پارێزگای کەربەلا نیشتەجێن رێکەفتبوین وەرد کەسەیل ترەک لە بەغداد ئەرا فروشتن کورپەگەیان کە تمەنی یەک ساڵانە وە بڕ سێ ملیۆن دینار"..
وتیش "کوڵە ئەرا خێزانەگە دانریا لە شوینیگ نیشتەجیبوین ناوڕاس پایتەخت هەنای رێککەفتن لەبان تەواوبوین کارەیل فروشتن مناڵەگە باوگ مناڵەگە دەسگیرکریا کە دویەتەگەیشی وەگەردی بویە" دیاریکرد "لێکۆڵینەوە وەردیان لە بنکەی ئاسایش وەردەوامە".
