بەغدا وەگەرد کوردستان لەبان هەماهەنگی لە دۆسیەی نەفت و گاز قسەکەێد

 شفق نیوز- بەغدا

وەزیر نەفت فیدراڵ باسم محمد خەدیر عەبادی، ئموو چوارشەممە، وەگەرد وەزیر سامانە سروشتییەیل هەرێم کوردستان کەمال محمد صالح،  قسە لەبان هاوکاری و هەماهەنگی ناوەین بەغدا و هەولێر لە مژار نەفت و گاز  کرد.

وەزارەت نەفت لە بەیاننامەیگ راگەیان  عەبادی، پیشوازی لە صالحی کرد و لە کۆبوینەوەگە چەندین دۆسیەی پەیوەنیدار وە   کەرت نەفت و گاز، وە تایبەت پرۆژەی نەفت و گاز، تاوتوێ کریان، وەجویریگ  وەهێزکردن هاوکاری و هەماهەنگی ناوەین حکومەت فیدراڵ و حکومەت هەرێم کوردستان لەی کەرتە گرنگە بوود.

وتیش، هەردووگ لا دووپاتکردن لەبان گرنگی وەردەوامی گفتوگو  و هەماهەنگی هابەش، کە خزمەت وە بەرژوەنی هاوڵاتیەیل بکەێد و پاڵشتی ئەوزەڵکردن کەرت نەفت و گاز لە عراق بکەێد.