بەغدا وە دوو رویداو خوەيکوشتن گەنجیگ و ژنیگ وەخەوەر هات
2026-08-13T08:05:07+00:00
شەفەق نیوز ـ بەغدا
سەرچەوەیگ ئاسایش، ئمڕوو پەنجشەممە، خەوەر دا لە رویدان دوو رویداویگ خوەکوشتن جیاواز لە بەغدای پایتەخت، کە یەکیگیان بویە مدوو گیانلەدەستدان ژنیگ، لە وەختیگ ئەوەکەی تر وە زەخمداری گەنجیگ وە سەختی کۆتایی هات.
سەرچەوەکە ئەرا ئاژانس شەفەق نیوز وت، ژنیگ دەس دایەس وە خوەيکوشتن وە پەتیگ هەڵواسریاگ وە پانکەی قەواسە لەناو وتاق ماڵەگەی لە گەڕەک تەندروسی (حي الصحة) لە ناوچەی دەورە لە باشوور بەغدا، لە وەختیگ کەسوکارەگەی وتنە کە تویش حاڵەتیگ دەروینی بویە.
لە رویداویگ جیاواز، گەنجیگ لە داڵگبوی ساڵ 2000 تەقەلای خوەيکوشتن دایە وە ری ئاگروەردان لە خوەی وە وەکارهاوردن بانزین لەناو ماڵەگەی لە ناوچەی ئوم ئەلکبر و ئەلغزلان لە خوەرهەڵات پایتەخت، کە بویە مدوو سزیانی وە رێژەی 80%.
وەپای سەرچەوەگە، گەنجاگە بیماری تویش پاستان دەروینی هاتی.
