بەغدا.. خوەیکوشتن دوەتیگ 13 ساڵان لە ناوچەی شوعلە
2026-08-30T09:48:47+00:00
شەفەق نیوز ـ بەغدا
سەرچەوەیگ ئەمنی، ئمڕوو یەکشەممە، خەوەردا لە خوەیکوشتن دویەتیگ 13 ساڵان لەناو ماڵ خوەیان لە ناوچەی خەتیب لە شار شوعلە باکوور خوەرئاوای بەغدا.
سەرچەوەگەوە ئاژانس شەفەق نیوز وت: دویەتەگە خوەیکوشتیە ڵەری هەڵواسین خوەی وە سۆندە ئاویگ کە لەقێ دەروەچەی ماڵیان بەسیابوی.
وتیش؛ هێزە ئەمنیەیل لێکۆڵینەوە لە چۆنیەتی رویداوەگە و هووکارەگەی وازکردنە.
