بەغداد و دیوانیە... دەسگیرکردن بازرگانیگ مادەی هووشبەر لەدویای دەورەداین و تەقەکردن

سەرچەوەیگ ئەمنی وە ئاژانس شەفەق نیوز وت، هێزە ئەمنی هاوبەشەگان بەڕەنگاربوین مادەی هووشبەر و پۆلیس فیدراڵی توەنستنە دویەشەو، بازرگانیگ مادەی هووشبەر دەسگیربکەن لەدویای ئەوەگ لەناو ماڵیگ لە ناوچەی شەعب دەورە دریا.

وتیش، بازرگانەگە نارنجەک و چەک وەپی بویە، دووپاتکرد لە یەکیگ لە بنکەیل ئەمنی دەسوەسەر کریاس ئەرا لێکۆڵینەوەی پێویست.

هەمیش، قسەکەر ناوخوەی عراق عەمید موقداد میری راگەیان، هێە هاوبەشەیل ناوەین وەڕێوەبەرایەتی کاروبار مادەیل هوشبەر  و فەوج تەکنیکی پارێزگای دیوانیە، (باشوور وڵاتەگە)، ئۆپراسیۆنیگ جویری جیوەجی کردنە وە پشت بەسین وە تەقەلای هەواڵگێری و کووەوکردن زانیاری، کوڵە دانان".

وتیش، لە ئەنجام ئۆپراسیۆنەگە 6 داواکریاگ بازرگان و بکیش مادەی هووشبەر دەسگیر کریا کە مادەی کریستال هووشبەر وەپیان بوی وەگەرد چەک.