بەغداد و دیالە.. دیجلە پیاویگ قویت دەێد و کلاشینکۆف گیان پیاویگ رفنێد

شەفەق نیوز/ دوو سەرچەوەی ئەمنی لە بەغداد و دیالە، خەوەردان لە دراوردن تەرمیگ لە چەم دیجلە، و پیاویگ لەناو تەمەن پەنجا ساڵان وە گولە خوەی کوشێد، لە دوو رویداو جیاجیا.

سەرچەوەگە ئەرا ئاژانس شەفەق نیوز وت: مەفرەزەیل پۆلیس ئاوی، شەوەکی ئمڕوو، تەرمیگ لەناو چەم دیجلە لە خوار پیەڵ بابولموعەزەم، ناوڕاس بەغداد پایتەخت دراورد، و دیاری کرد ک لێکۆڵینەوە لە رویداوەگە واز کرد، و تەرمەگە ئەرا پزشک دادوەری کلکریا.

لە دیالە، سەرچەوەیگ ئەمنی، ئەرا ئاژانس شەفەق نیوز وت: پیاویگ لە ناو تەمەن پەنجا ساڵان، لە ئاوای مەجەرە سەروە ناحیەی عزێم، وە چەک کلاشینکۆف گولە لەخوەی وەشان و خوەی کوشت.

سەرچەوەگە دووپات کرد ک پیاوەگە زیان لە گرفتەیلیگ دروینی داشتیە، ک هیشتیە خوەی بکوشێد، وتیش: تەرمەگە ئەرا پزشک دادوەری کلکریا، و لێکۆڵینەوە لە رویداوەگە واز کردن.