بەغداد.. مردن پاسەوانیگ لە باڵیۆزخانەی سودان و کوشیان خوەنەواریگ وە چەقوو
2024-06-08T14:46:54+00:00
شەفەق نیوز/ سەرچەوەیگ ئەمنی، ئمڕوو شەممە، خەوەردا لە مردن ئەندامیگ عراقی لەناو تیم پاسەوانی باڵیۆزخانەی سودان لە بەغدای پایتەخت، و کوشیان خوەنەواریگ وە چەک چەرمگ وەدەس هاوڕیەگەی.
سەرچەوەگە ئەرا ئاژانس شەفەق نیوز وت: ئەندامیگ لە وەڕیەوبەرایەتی پاسەوانی دامودەزگایل مووقەی ئەرکەگەی لە پاسەوانی باڵیۆزخانەی سودان لە ناوچەی مەنسوور گیانی لەدەسدا.
هەمیش لە بەغداد، سەرچەوەگە وت: وەردەوەردە کەفتیەسە ناوەین دوو خوەنەوار، رەسیەسە وەکارهاوردن چەک چەرمگ لەناوچەی حەی عامل، کە بویە هوکار کوشیان یەکیگ لەلیان، و ئەوەکە وەرەو شوین نادیاریگ وایە.
وتیش: دوو خوەنەوارەگە کەسوکار یەکن، وتیش: هیزیگ ئەمنی کەفتیەسە شوین بکوشەگە تا دەسگیری بکەێد.
