بەغداد.. رویداو تلیان مەرگباریگ و پەیاکردن شوین قوماربازی و تاسیان خوەنەوارەیلیگ لەوەر ئاگر

شەفەق نیوز/ بەغداد پایتەخت، لەی ساعەتەیل گوزەشتە، چەن رویداوەیگ ئەمنی توومار کرد، لەلییان مردن کەسیگ وە رویداو تلیان، و دەسگیرکردن بڕیگ کەس دەسیان لەناو قوماربازی بویە، وەگەرد رویداو ئاگر لەناو بەشەیل ناوخوەیی خوەنەوارەیل.

سەرچەوەیگ ئەمنی ئەرا ئاژانس شەفەق نیوز وت: ئەندامیگ لە وەزارەت ناوخۆ لە ئەنجام تویشهاتن رویداو تلیان وە ماشینیگ تون لەبان ری سەرەکی روستەمیە گیانی لەدەسدا، و تەرمەگەی ئەرا پزشک دادوەری بریا، و خاوەن ماشینەگە دەسگیر کریا.

 سەرچەوەگە وتیش: هیزەیل ئەمنی 13 کەس لەناو تەلەخانەی قوماربازی لە ناوچەی رەحمانیە دەسگیر کریان، وتیش: هیزەیل ئەمنی دەسنانە بان کەرەستەیلیان و تەلەخانەگە بەسان.

هەرلیوا، سەرچەوەگە وتیش؛ تاسیان سێ لە خوەنەوارەیل بەش ناوخوەیی توومار کریا، لە ئەنجام هیزگردن ئاگر لەناو بۆرد کارەبا لە بەشەیل پەیمانگەی تەکنینکی لە زاعفەرانیە.