بەغداد.. دەسگیرکردن 12 توومەتبار و دەسگردن وەبان دەیان پاسپۆرت و سیمکارت
2024-12-15 15:44
شەفەق نیوز/ فەرماندەی ئۆپراسیۆنەیل بەغداد، ئمڕوو یەکشەممە، دەسگیرکردن 12 توومەتبار راگەیان وەگەرد دەسگردن وەبان دەیان پاسەپۆرت و سیمکارت کە وە دوو کەسیان بویە.
فەرماندەیەگە لە بەیاننامەیگ رەسیە ئاژانس شەفەق نیوز راگەیان مەفرەزەیلیان لە گشت ناوچەیل پایتەخت لە لای کەرخ و رەسافە بڵاوبوینە 12 توومەتبار دەسگیرکردنە، لەناوەینیان دوو کەس گیریانە کە 32 پاسەپۆرت و 22 سیمکارت بی موولەت وەپیان بویە.
دیاریکرد ئەو توومەتبار ترەک وەپای مادەی یاسایی جیاواز دەسگیرکریانە، هەمیش مەفرەزەیل دەسگردنە وەبان فرۆکەیگ بی فرۆکەوان "درۆن" و شمارەیگ چەک و ئامێرەیل بی موولەت.
