بەغداد.. دەسگیرکردن "حیاوی" و 10 لە بازرگانەیل و بڵاوکەرەیل مادەیل هووشبەر
شەفەق نیوز - بەغداد
سەرچەوەیگ ئەمنی، ئمڕوو یەکشەممە، خەوەر دا لە دەسگیرکردن کەسیگ کە "پەلامارداین هووزانە" ئەنجام دەێد لە وەرانوەر پویل لە ناوچەی زەعفەرانیەی بەغداد.
سەرچەوەگە ئەرا ئاژانس شەفەق نیوز وت:، "هێزیگ لە پۆلیس رەسافە لە بەغداد، ئەو کەسە کە ناسریاگە وە (حیاوی) دەسگیرکرد کە پەلامارداین هووزانە ئەنجام دەێد لە وەراوەر بڕیگ پویل و پیشینە تاوان دیرێد لەبان چەن داوایگ لەبانی لە هەواڵگری دژە تێرۆر، و وەپای مادەی 4/تێرۆر دەسگیر کریا".
دیاریکرد "دەسگیرکریاگە وە هاز چەک چگەس ئەرا خوازمەنی دویەت مامەی، خوەی و ئەو کەسیگ ترەک وەگەردی بوی دەسگیرکریان لەدویای ئەنجامدان پەلاماردان هووزانە وەبان ماڵیگ لە ناوچەی پیەڵ دیالە.
لە خود وەخت، هەواڵگری سەربازی لە بەیاننامەیگ، ئاشکرا کرد (10) لە بازرگان و بڵاوکەرەیل مادەیل هووشبەر دەسگیریان، لە ناویان ژن هەس لە ناوچە جیاجیایەیل پایتەخت وەگەرد ئەو مادەیلە کە دەس وەبانیان گیریاس وەشیوەی فەرمی ئەرا لایەنەیل پەیوەنیدار کلکریان.
