بەسرە گەرمترین شوینە لەبان زەوی
2022-08-09T10:22:29+00:00
شەفەق نیوز/ پارێزگای بەسرە، ئمڕوو سێشەممە، کەفتە نوای خشتەی گەرمترین شارەیل لەبان زەوی، وە ماوەی ٢٤ سەعات گوزەشتە، ک پلەی گەرمیی لە ٥١ پلەی سیلیزی رەد کرد.
ویستگەی "بلاسيرفيل" لە کالیفۆرنیای ئەمریکا، خشتەیگ وە ١٥ ناوچە وشار جەهانی بڵاو کرد ک لەماوەی ٢٤ سەعات گوزەشتە، بەرزترین پلەی گەرمی لە جەهان توومار کردن.
لەناو خشتەگە ک لەی خوارە بڵاو کریایە، نشان دەێد ک ناوچەی فڕۆکەخانەی ناودەوڵەتی بەسرە بەرزترین پلەی گەرمی توومار کردیە، وە ٥١،١ پلەی سیلیزی.
وەگەرد ئەو گەرمیە لە پارێزگای بەسرە، دویەکە وزەی کارەبایش لەلی بڕیا، دویای سزیان ویستگەی کارەباگە، ک هیشت خەڵکەگە دەرچنە ناڕەزایی و ریەیل بووڕن.
ئاژانس شەفەق نیوز خشتەی بەرزترین پلەی گەرمی لە جەهان توومار کەێد:
