کی بەسرە رزگای کەێد لە دەسەیل نەناسریاگ مەرگ ؟
شەفەق نیوز/ ئەوەیگ لە بەسرە روودەێد تەنیا رووداو و پێشێل کاری ئەمنی جوورا جور ئاوارتە نیە، ئەو کوشتن و تەقینەوەیلە دیارە جوور کاریگ بەڕنامەدار کریەن، ک هیمان هێزە ئەمنیەگان نێتوەنن ئامانجەیلیان دیاربکەن، بەڵکم شیوەگەی نوقڵانە وە پلانەیلیگ دەێد ک ئەرا شارەگە و خەڵکەگەی دانریەێد.
ک موستەفا کازمی سەرۆک وەزیران ناچاربوود لە واشینتونەو ک یەکەم جارە سەردانی بکەێد، تویتیگ بنووسێد ئەرا دووپاتکردن لە چەودیری کردنی لە تاوانەیل بەسرە وبردن بڕیارەیل گەورایگ، واتە ک سیمای ئی شار باشووریە رەسیە سنور مەترسی گەورایگ.
هەمیش ک باڵیۆزخانەی ئەمریکی بەیاننامەیگ دەربکەێد ئەرا شەرمەزارکردن ئەو تاوانەیلەگ رەسنە چالاکوانەیل مەدەنی و خۆپیشاندەرەیل، ئەویش گرنگی وەپیدان دەیشتەکی نشان دەێد ک جەختەگەی کەفتە بان ئی شارە، وەتایبەت ک باڵیۆزخانەگە، لەو وەختە ک هیمان کازمی هالە واشینتون، داوا لە حکومەت عراق کرد سزاداین ئەو وەرپرسەیلە وەگورەی یاسا بکەێد.
شەو چوارشەممە، بەسرە وە تاوان نوویگ دڵتەز بوی، دویای ئەوە ک چەکدارەیلیگ دوو ژن کوشتن، یەکیگیان پزشکیگە، و وەرجە ئەوەیش وەچەن رووژیگ چالاکوانەیلیگ لە خۆپیشانەدرەگان کوشتن.
لە بەڵگەیگ تر لەبان مەترسی رەوشەگە، عوسمان غانمی وەزیر ناوخۆ سەردان شارەگە کرد، و یەکەمین فەرمانەیلی دەرکرد، ک لەناویان جوور ئەوەگ سەرچەوەیگ ئەرا ئاژانس شەفەق نیوز باسیکرد؛ قەیەغەکردن لە ئەو ماشینەیلە ک تابڵۆ وەپیانەو نیە، و قەیەغەکردن ماشینە تاریک کریایەگان.
هەمیش وەزیر ناوخۆ رینما داگە فەرماندە ئەمنیەگان لە شارەگە، تا بڕەسنە تاوان کارەیل کووشتەگان وەزویترین وەخت، و داناین ئەو باوەتە لە گرنگترین ئەرکە ئەمنیەگان.
