بەسرە دەسگیرکردن هاندەریگ ئەوەکە وە دەوانچە کوشتیە دویای کلاسیکۆی ریال مەدرید و پەرشەلۆنە
شەفەق نیوز/ سەرچەوەیگ ئەمنی لە پارێزگای بەسرە، ئمڕوو سێشەممە، خەوەردا کە هاندەریگ لەوەر کوشتن هاندەریگ ترەک وە دەوانچە لە ناوڕاس پارێزگای بەسرە، دویای وەردەوەردەیگ لەشوین کۆتاییهاتن بازی کلاسیکۆی بەرشەلۆنە و ریال مەدرید.
سەرچەوەگە ئەرا ئاژانس شەفەق نیوز وت: "ئمڕوو هیزە ئەمنییەیل توەنستن هاندەریگ دەسگیر بکەن کە دویای کۆتاییهاتن کلاسیکۆ جەنگ کردگە و هاندەریگ ترەک کوشتگە کە وەلای شوین جەنگەگەو رەد بویە لە ناوڕاس بەسرە".
سەرچەوەگە وتیش: "بکوشەگە دەوانچە کیشاس ئەرا ئەنجامدان تاوانەگەی"، دیاری کرد کە "کوشیایەگە تەمەنی ٢٩ ساڵ بویە و ئەندام حەشد شەعبیە".
یەکشەممەی گوزەشتە لە پارێزگای بەسرە جەنگ و وەردەوەردە لە ناوەین هاندەرەیل تووپان رویدا، دویای کۆتاییهاتن بازی بەرشەلۆنە و ریال مەدرید کە وە کلاسیکۆ ناسیاس، وەردەوەردە رەسیە جەنگ کە هاندەریگ وە دەوانچە تەقە لەو هاندەرەیل کرد.
