بەرزەوبۊن نرخ دۆلار وەگەرد بەسیان بۆرسەی بەغداد
![بەرزەوبۊن نرخ دۆلار وەگەرد بەسیان بۆرسەی بەغداد](https://media.shafaq.com/media/arcella/1636986279448.jpeg)
2021-11-15T14:25:18+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو دووشەممە، وەگەرد بەسیان بۆرسەی سەرەکی بەغداد ل، وەشیوەی کەمیگ بەرزەو بۊی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، لەبان ١٤٨١٠٠ دینار عراقی وەرانوەر ١٠٠ دۆلار ئەمریکی بەسیان، و شەوەکی ئمڕوو نرخەگری ١٤٨٠٧٥ دینار بۊی.
پەیامنێرمان وتیش؛ نرخ فرووشتن و سەنین لە دوکانەیل ناوخۆیی بەغداد ئارام گرد، ک نرخ فرووشتن رەسیە ١٤٨٥٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٥٠٠ دینار.