بەرزەوبۊین نرخ دۆلار لە بەغدا و داوەزینی لە هەولێر
2021-12-01T07:39:04+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو چوارشەممە، لە بۆرسەی سەرەکی بەغداد پایتەخت بەرزەوبۊی و هەرێم کوردستان داوەزی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، شەوەکی ئمڕوو 147950 دینار عێراقی وەرانوەر 100 دۆلار ئەمریکی توومار کردن.
دۊێکە سێشەممە، رەسیە 147800 دینار وەرانوەر 100 دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل ناوخۆیی بەغداد داوەزیایە، نرخ فرووشتن رەسیە 148500 دینار عێراقی وەرانوەر 100 دۆلار ئەمریکی، و نرخ سەنینی رەسیە 147500 دینارعێراقی .
لەهەوڵیر پایتەخت کوردستانیش نڕخ دۆلار داوەزین وە خوەی دی، نڕخ فروشتنی رەسیە 148050 عێراقی وەراوەر 100 دۆڵار ئەمریکی، و نڕخ سەنینی رەسیە 147900 عێراقی وەرانوەر 100 دوۆلار ئەمریکی.
