بەرزەوبۊین نرخ دۆلار لە بەغداد و هەرێم کوردستان
2021-10-28T08:03:58+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو پەنجشەممە، لە بۆرسەی سەرەکی بەغداد پایتەخت و هەرێمکوردستان بەرزەوبۊی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، شەوەکی ئمڕوو 147750 دینار عێراقی وەرانوەر 100 دۆلار ئەمریکی توومار کردن.
شەو چوارشەممە ، نرخ دۆلار رەسیە 147650 دینار وەرانوەر 100 دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل ناوخۆیی بەغداد بەرزەوبۊیە، نرخ فرووشتن رەسیە 148250 دینار عێراقی وەرانوەر 100 دۆلار ئەمریکی، و نرخ سەنینی رەسیە 147250 دینارعێراقی .
لەهەوڵیر پایتەخت کوردستانیش نڕخ دۆلار بەرزەوبۊی، نڕخ فروشتنی رەسیە 147950دینار عێراقی وەراوەر 100 دۆڵار ئەمریکی، و نڕخ سەنینی 147750 عێراقی وەرانوەر 100 دۆلار ئەمریکی.
