بەرزەوبۊن نرخ دۆلار لە بەغداد
2021-10-02T08:04:56+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە لە بۆرسەی سەرەکی بەغداد پایتەخت بەرزەو بۊی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، شەوەکی ئمڕوو، ١٤٧٣٠٠ دینار وەرانوەر ١٠٠ دۆلار ئەمریکی توومار کردن.
رووژ پەنجشەممەی گوزەیشتە، نرخ دۆلار رەسیە ١٤٧١٠٠ دینار وەرانوەر ١٠٠ دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل بەغداد بەرزەو بۊی، ک نرخ فرووشتن رەسیە ١٤٧٧٥٠ دینار عراقی وەرانوەر ١٠٠ دۆلار ئەمریکی خ و نرخ سەنینی رەسیە ١٤٦٧٥٠ دینار عراقی.
