بەرزەوبۊن نرخ تەڵا لە بازاڕەیل عراق
2022-02-19T10:06:07+00:00
شەفەق نیوز/ نرخ تەڵای بیگانە و عراقی، لە بازاڕە ناوخۆیەیلەی بەغداد پایتەخت، ئمڕوو شەممە ١٩ی شوبات ٢٠٢٢، وەشیوەی کەمیگ بەرزەو بۊ.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ تەڵای خەلیجی و تورکی و ئەوروپایی لە بازاڕەیل بڕ فرووشتن لە جادەی نەهەر بەغدای پایتەخت رەسیە ٣٨٧ هەزار دینار، و نرخ سەنینی رەسیە ٣٨٢ هەزار.
پەیامنێر ئاژانسمان وتیش: نرخ فرووشتن یەک مسقاڵ عەیار ٢١ لە تەڵای عراقی بەرزەوبۊین وە خوەی دی لە پای ٣٥٦ هەزار دینار، و نرخ سەنینی رەسیە ٣٥٢ هەزار دینار.
لەباوەت نرخ تەڵا لە دوکان زەڕنگەرەیلە، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٨٥ هەزار دینار و ٣٩٥ هەزار دینار، و نرخ فرووشتن یەک مسقاڵ تەڵای عراقی هالە ناونی ٣٥٥ هەزار دینار و ٣٦٥ هەزار دینار.
