بەرزەوبۊن نرخ تەڵا لە بازاڕەیل عراق

شەفەق نیوز/ نرخ تەڵای عراقی و  بیگانە لە بازاڕ  ناوخۆیەێلەی بەغداد، ئمڕوو دوشەممە، 28 شوبات 2022   بەرزەو بۊی. 

پەیامنێر ئاژانس شەفەق نیوز وت : نرخ فروشتن یەک مسقال تەڵای عەیار 21 خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت، رەسیە 386 هەزار دینار، نرخ سەنینی رەسیە 382 هەزار. 

پەیامنیرمان وتیش: نرخ فروشتن یەک مسقال تەڵای عراقی بەرزەوبۊین وە خوەی دی لە پای 356 هەزار دینار وە نرخ سەنینی رەسیە  352 هەزار دینار. 

لە باوەت نرخ تەڵا لە دوکانەیل زەرەنگەریل نرخ فروشتن یەک مسقاڵ تەڵای عەیار 21 خەلیجی ها لە ناوەنی 385 هەزار دینار و395 هەزار دینار، نرخ تەڵای عراقی ها لە ناوەنی 355 هەزار و 365 هەزار دینار.