بەرزەوبۊین نرخ تەڵا لە بازاڕەیل عراق
2022-01-02T08:29:24+00:00
شەفەق نیوز/ نرخ تەڵای عراقی و بیگانە لە بازاڕ ناوخۆیەێلە، ئمڕوو یەکشەممە ، 2 کانون دۊیەم 2022 بەرزەو بۊی.
پەیامنێر ئاژانس شەفەق نیوز وت : نرخ فروشتن یەک مسقال تەڵای عەیار 21 خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغداد رەسیە 376 هەزار دینار، نرخ سەنینی رەسیە 372 هەزار، نرخ فروشتن رووژ پەنجشەممە 368 هەزار دینار بۊی.
پەیامنیرمان وتیش: نرخ فروشتن یەک مسقال تەڵای عراقی بەرزەوبۊین وە خوەی دی لە پای 346 هەزار دینار وە نرخ سەنینی رەسیە 342 هەزار دینار.
لە باوەت نرخ تەڵا لە دوکانەێل زەرەنگەریل نرخ فروشتن یەک مسقاڵ تەڵای عەیار 21 خەلیجی ها لە ناوەنی 375 هەزار دینار و 380 هەزار دینار، نرخ تەڵای عراقی ها لە ناوەنی 345 هەزار و 350 هەزار دینار.
