بەرزەوبۊن کەمیگ نرخ تەڵا لە بازاڕەیل عراق

شەفەق نیوز/ نرخ تەڵای عراقی و  بیگانە لە بازاڕە ناوخۆیەیلە، ئمڕوو چوارشەممە، بەرزەوبۊ.

پەیامنێر ئاژانس شەفەق نیوز وت : نرخ فروشتن یەک مسقال تەڵای عەیار 21 خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت، رەسیە 389 هەزار دینار، ونرخ سەنینی رەسیە 385 هەزار، دۊکە یەکشەممە 388 هەزار توومار کریا. 

پەیامنیرمان وتیش: نرخ فروشتن یەک مسقال تەڵای عراقی بەرزەوبۊن وە خوەی دی لە پای 349 هەزار دینار وە نرخ سەنینی رەسیە  345 هەزار دینار. 

لە باوەت نرخ تەڵا لە دوکان زەرەنگەریلە، نرخ فروشتن یەک مسقاڵ تەڵای عەیار 21 خەلیجی ها لە ناوەنی 390 هەزار دینار و 400 هەزار دینار، نرخ تەڵای عراقی ها لە ناوەنی 350 هەزار و 360 هەزار دینار.